شعر پیریدان اوباسی
فرستنده : آقای جعفر پاشازاده
شاعر: محمد تقی تقی زاده- روستای لاریجان
***
پاییز فَصلی سِحرامانی گَزَردیم
داغلارین اوجاسی یادیما دوشدی
اوبالار کوشمیشدی ، داغلار قارایدی
فَلَکین جَفاسی یادیما دوشدی
اُولیم تِئز آپاردی شاعر پَناهی
گویلَره اُوجالدی قَلبیمین آهی
میرزا محمدین جاوان سگاهی
پیریدان اوباسی یادیما دوشدی
مَنه ذُوق وِردی اللَر گُوزَلی
مَنده شعر یازدیم دوزدی مَزلی
شاعر شهریارین شعری غَزلی
حِیدر باباسی یادیما دوشدی
بیرزمان واریدی بیالی قیاث
خیراله گئیردی خان کیمی لِباس
عاشیق عَلی سازن چالسن قولاق آس
سازنین نواسی یادیما دوشدی
اُورَگیم تَنگیدی چَکنده آدین
ظالیم فَلَک پُوزدی بوساتین
آخر گونده یازخ اولمیش پولادین
حیدری هواسی یادیما دوشدی
درباره این سایت